Welkom by ons stukkie hemel in die Sederberge.
Slegs 10 km vanaf Citrusdal op die R303 na Ceres, is Blinkwater Camping and Cottages op ‘n 25 hektaar bergagtige stuk grond geleë, met die Boontjiesrivier wat daardeur en langs die kampeerplekke loop.
Blinkwater Camping and Cottages bestaan tans uit twee kothuise elk met twee slaapkamers, oopplan kombuis en leefarea en baie mooi bygewerkte badkamers…
Beddegoed, handdoeke, breekware en eetgerei is alles ingesluit om te verseker jy het ‘n baie gemaklike en ontspanne verblyf by ons. Ons het ‘n skottel met ‘n tweeling-LNB vir Explora- of enkelaansig-dekodeerders geïnstalleer, so al wat jy nodig het is om jou dekodeerder saam te bring en aan te sluit vir daardie spesiale fliek of sportgeleentheid wat nie gemis mag word nie.
Ons kampplek met 14 erwe is almal toegerus met water, elektrisiteit en braaistaanplekke.
Die nuutgeboude badkamerblok bestaan uit vier ruim volledige badkamers
met groot storte (ideaal vir mammas met kinders) en twee aparte toilette.
Blinkwater Camping and Cottages kan vir verskillende groepe voorsiening maak, aangesien daar ‘n boma-area is wat ‘n ideale venue is vir ‘n 21ste, bachelors, familiereünie, verjaarsdae, jaareindfunksie, ens. Spysenieringsdienste is ook beskikbaar; insluitend spitbraai, potjiekos, steakbraai, drank, ens.
Die bouwerk aan ons swembad en amfiteater is alles klaar en ons hoop om in die toekoms groot of intieme konserte en funksies aan te bied.
By Blinkwater Camping and Cottages respekteer ons die natuur en alle diere, reptiele en insekte met wie ons hierdie stukkie hemel deel en wat lank voor onsself hier was… sowel as ons bure se heininglyne…