Kouga Wildernis is ‘n familieplaas. Dit vorm deel van die Baviaanskloof mega-reservaat en skuil in die Kougaberge sowat 28 km noord van die dorp Joubertina op die R62.
Verblyf is in manjifieke landskappe geleë en bestaan uit ‘n plaashuis, twee kothuise, ‘n kampplek en ‘n afgesonderde boskamp.
Talle avontuuraktiwiteite word aangebied, insluitend skouspelagtige staproetes, 4×4-roetes, seisoenale vrugtepluk, bergfietsroetes en visvang.
Dit is ‘n werkende plaas met vrugtebome, vee en die oes van heuningbostee. Boerdery kan van naby waargeneem word en is veral interessant tydens strooptyd.
Swem in natuurlike kristalhelder poele of in ons swembad of probeer om Black Bass in die nabygeleë Kougarivier te vang. Verken die bergstrome op soek na die skaars rooivlerkvisse of die baie skaars, inheemse Galaxias Zebratus, of identifiseer van die verskeidenheid voëls wat op die plaas gesien word, soos die Visarend, Knysna- en Vleiloerie.
