Sabie River Camp is ‘n gesinsoord op die oewer van die Sabierivier, aan die buitewyke van Sabie-dorp, naby die Sabie-waterval. Hier sal jy snags aan die slaap raak deur die geluid van gorrelende water. Ons verhitte rotspoel, onberispelik skoon en moderne ablusiegeriewe, ons opelugkroeg, randvloei-swembad en houtdek wat oor die Sabierivier uitkyk is maar van die unieke kenmerke wat jou verblyf by ons ‘n aangename en onvergeetlike een sal maak.
Aanwysings
Ry na Sabie vanaf O R Tambo (320km): Neem die R21 (Boksburg), volg dan die N12 (Witbank). Die N12 word die N4. Neem die afdraai links na Belfast op die R540 na Dullstroom en dan na Lydenburg. In Lydenburg neem die R37 via die Long Tom-pas na Sabie. Ry in Sabie vanaf die Long Tom-pas, kruis oor die eerste 3-rigting stop en by die volgende stopstraat, in die middedorp, draai links, rigting Graskop. Onmiddellik na die brug as jy Sabie verlaat, draai links en volg die grondpad vir 300m – ons ingang is aan die linkerkant.
