Westvaal Vakansieoord – sentraal geleë tussen Parys (35km), Sasolburg (25km) en Vanderbijlpark (25km), met maklike toegang vanaf die N1 vir moeë oornagreisigers, en ‘n uur se ry vanaf Johannesburg
Kom kamp reg op die skaduryke oewer van die Vaalrivier, of bespreek een van ons lodge tente, kampeer cabins of permanente karavane – dit alles in ‘n familie-vriendelike omgewing, waar kinders nog sorgeloos met hul fietse kan rondry, en die jongspan kan baljaar in ons ouskoolse parkie.
‘n Plaas-atmosfeer in die natuur. Kom beleef die ‘groot daar buite’ met al jou sintuie, met die pragtigste sonsondergange. Asem die mooi, rustige omgewing in en kom kyk watter voëlspesies jy kan raak kuier – en natuurlik is die roep van die visarend altyd erens in die agtergrond. Kom maak kennis met ons plaasdiere – (Westvaal Vakansieoord se donkies is baie lief vir wortels.)
En dan is daar natuurlik iets vir die hengelaars ook! Westvaal Vakansieoord is al vir meer as 50 jaar ‘n uiters gewilde hengeloord, met spesies soos karp, baber, geelvis, bass, en nog vele ander.
